點先做好呢份工 ?

想要做好呢份工 請先打好基本功
學曉挑選忠臣用 奸賊一律逐出宮
行政會議成員中 誰又會維護大眾
閉門造車固步封 民怨從此根深種
成日話搞西九龍 仲係上面建天篷
成就遠超老懵董 宏偉直逼阿房宮
搞好經濟靠發夢 齋得願景發翕風
如果唔係有阿公 盤數幾難唔見紅
果班高官既人工 點止雙糧加花紅
但係做野唔用功 十足蛀米大懶蟲
.
先講古惑仔肥龍 苦練一身好武功
重出江湖搞內訌 反對黨好難合縱
.
好鬼掛住梁錦松 搵到黑石份好工
好過現任唐英雄 未夠班做經濟通
.
唔告胡仙謝霆鋒 靠前律政詩發功
惡法咨詢頻出籠 背離民意懂唔懂
.
政制事務林公公 表情生硬似木桶
回歸咁耐少出動 十年做過乜東東
.
利益輸送無陰功 罪人首推孫九公
榮升馬主藏暗湧 退休轉打信德工
.
有個壞人管教統 少爺脾氣無人同
打壓言論嚇校董 辦學團體實頭痛
.
藍天繼續灰朦朦 雨後幾難見彩虹
車船減價靠秀冬 不如去搵孫悟空
.
講埋白頭任老總 千萬年薪我眼紅
既然聯匯唔放鬆 使鬼搵佢做長工
.
食環署就最威風 蛇王見報十幾宗
清潔街道有觀眾 督察多過洗地工
.
醫局高層似頑童 沙士期間扮失聰
口罩面具無影蹤 各自為政拒提供
.
旅發局有乜鬼用 耗用公帑大花筒
維港巨星有飛送 庫房幾時富變窮
.
解決問題勿手鬆 以正視聽滅歪風
做福社會萬世頌 爭取普選作先鋒
香港標誌似飛龍 希望有日上高空
可惜管治太傳統 難有創意闖巔峰
社會和諧重溝通 官員工作要熱衷
學歷唔使睇咁重 更加無須高人工
三顧草籚尋卧龍 只有誠意可打動
下放權力任其弄 自然可大顯神通
.
寫左篇野幾個鐘 因對香港感情濃
假如我突然失蹤 一切盡在不言中 !!!!!!